पंढरीचा राणा : उतरला ईश्वर धरेवरी

उतरला ईश्वर धरेवरी
सगुणरूप धारलें परब्रह्मानें पंढरपुरीं ।।

वैकुंठींचा प्रभु नारायण
करतो जो विश्वाचें पालन,
कलियुगात म्हणती विठ्ठल, तो हरी असे द्वापरीं ।।

क्षीरसागरा मागे ठेवुन
शेषनाग-मंचकास त्यागुन
नसे गरुडही, उभा एकला तिष्ठत विटेवरी ।।

क्षेत्र पंढरी जरि इवलेसें,
हरिस्पर्शें झगमगलें ऐसे –
जैसी स्वर्गामधें शोभते नगरी अलकापुरी ।।

कृतार्थता ही आम्हां मोठी
ब्रह्म अवतरे आम्हांसाठी
इथेंच थांबुन युगेंयुगें, उद्धरी जगा श्रीहरी ।।

– – –
– सुभाष स. नाईक

Be the first to comment

Leave a Reply

Your email address will not be published.


*